انا عمري كام علشان تكونلي
الذكرى أسلوب حياة
دماغي فيها مليون شريط
ماضي قديم من دا ودا
ده انا كنت عيل من يومين
ودخلت أنام
صحيت لقيت العمر عدى
مخدنيش معاه
بسرح واتوه ف الذكريات
وبعيش حياة ويا اللي فات
اشخاص اماكن كل شيء
حاجة توديني لحاجات
وف السنين انا مش كبير
وشعري اسود زي ليل
والليل مبيعديش طويل
مفهوش هروب م الذكريات
ليه مليش ف بكرة وليه بتوه
ليه مليش ف حلم بترسموه
بسرح ف الاقي الذكرى بس
وفيها بلقى انا يومي أمس
غير يومكوا ده اللي بتعيشوه
الذكرى واخداني لمكان
ايام زمان وقت الفرح وقت الهنا
انا وسط بكرة مليش وجود
ف الذكرى بس بكون انا
برجع ف غمضه عين سنه
وسنه ف سنه انا ببقى انا
عيل بيهوى الدندنة
احلامه سهلة وممكنة
وعشان كدة انا من هناك
انا بنتمي للذكريات
ومليش مكان بينكم هنا
بسرح واتوه ف الذكريات
وبعيش حياة ويا اللي فات
اشخاص اماكن كل شيء
حاجة توديني لحاجات
