كلمات اغنية ما عرفتك اصالة
كلمات اغنية ما عرفتك اصالة
ما عرفتك يا غرامي ما هو انت اللي عشقته
حتى وجهـك والملامـح ما هي ذيك الأولـــيه
نظرتك .. قسوة عيونك تحكي شيٍ ما نطقته
كــن روحـــك عافـــت ايـام السنين العاطفيه
كل جـرحٍ بي زفرتـه .. كلّ حــبٍ لك شهـقته
كل دربٍ لك مشيتــه بالولــه روحــه وجــيه
ما بقى بحـرٍ من بحـوري لوصلك ما غـرقته
مدري وش أكثر أسـوي ما بقى بي مقـدريه
آه يا حــلمٍ حطبته في حــــناياي .. وحــرقته
آه يا حــبٍ كــتبتــه لـــــين غــنت الابجـــديه
كان قلبك ما يبيني قــول يا اغلى من صدقته
كان عـينك ما تبيني قـول .. لا تكـذب عـــليه
يوم قلبي جا لقلبك .. جـيت ويّــاه .. وسبقته
يوم قلبك صـــد قلبي قلت راح اغــلى البريه
ما بقى بي إلاّ انت .. وكلّ شي مني ســرقته
خـذت حتى كبريائي في الهــوى والنرجسيه
ما هُــو انت اللي تعلـق في حناياي وعشقته
ما عــرفتك ..! والاّ يمكـن ما هـو انا الاوليه
زر الذهاب إلى الأعلى