بنام وأقوم
بلاقي همي زاد تلات تربع هموم
عجِّزت واتغيرت من شرب السموم
من شرب السموم
أنا مش تمام
غرقان ونفسي أوصل في يوم بر الأمان
حتى الزمايل صبحوا مالهومش أمان
مالهومش أمان
كله بألف وش دايرة يابا غش
هتمشي دغري يبقى هتقابل مليون كمين
نفسي نفسي بس وبيكم مش هحس
لما قلبي حب عشت وحدي أنا حزين
مش هحب نو مافيش رنه وألو
ومش هسأل عليكوا تاني انتوا فين
حب مين يا عم ما عندهمش دم
عالمصالح بس هتلاقي الكل يضم
مش هتلاقي أخ هتلاقي تشغيل مخ
أمنت بس أنا اتنصبلي يابا ألف فخ
العمر فات بحب لكني شفت غلب
ضيعت وقتي معاكوا بس شفت وجع قلب
عايش في ويل
الحمل يابا فوق كتافي صبح تقيل
والناس بقت بألف وش وغدارين
وغدارين
شكلي هموت
حاسس بدوخة وليل نهار عندي هبوط
ليه مفكرني يا ناس قاعد على بنك نو
على بنك نو
حب تاني لا لسه ليا حق
وأنا ما أسيبش حقي يوم يبات بعيد
هي صد رد وأنا قويت بجد
هتشوفوا شخص تاني واحد من جديد
اللي فات ده مات والدفنة خلال ساعات
وبيتهيألي يعني كده جبتلكوا المفيد
يكفينا شر ناس ناقصة من الأساس
وخليناهم احنا يابا ليهم مقام
مدينا ليهم ايد راحوا قطعوا الوريد
والعيش والملح بسهولة عليكوا عادي هان
النقص في النفوس مش قلة الفلوس
والناقص مهما ياكل طول عمره هيفضل جعان
حكم النصيب
إنك تكوني غريبة عني وأنا غريب
كنتي حبيبتي دلوقتي أنا ماليش حبيب
ماليش حبيب
باي سلامات
وهعيش خلاص انا عالصور والذكريات
لو سألوا يوم عليا قولي حبيبي مات
حبيبي مات
لسه ما انتهتش لسه برضه وحش
لسه زي مانا قلبي عمره يوم ما هاب
الحمول كتير لكن لعله خير
وما تقولوش صحابي أصل أنا ماليش صحاب
أنا عايش وحيد ولوحدي سعيد
ومش لازمني حد عشرته كانت هباب
كله لأجل الوصول بقى بينسى الأصول
دول لو شافوك ضعيف صدقني هيدوسو عليك
القلب عبى شال من الخلق الشمال
إتنططوا عليك اللي اتسيطوا على ايديك
عادي اللي يضيع يضيع مش هرحم الجميع
هحاسبكوا واحد واحد أصل انتوا عليكوا شيك
