ازاي حبيبى بتقدر
من غير ما حتى تفكر ..
بنظرة واحدة تَصور..!!
بترد فيا الروح..!
وازاي لحُزني بتوصَل
من غير ما حتى تِدور
لمسِة ايديك دي تَصور.!!
بتخلي حُزني يروح..!
ازاي قدرت تكونلي ليل
فيه انسجام مفهوش عياط !
وازاى بشكل بسيط جَميل ؟
حولت زَعلي لانبساط..
وازاي ف وقت ما اكون بَميل
اسند عليك و أكون بخير
وازاي بتبقالي الدليل
وقت اما بحتاج لإجابات
تعرف لو الخوف قَرب
جوه ف عيونك بَهرب
لا بخاف ولا بتغرب
برتاح ف لحظة واروق
في شدتي بتكون لي
بيتي وأماني وضِلّي
لو كله غاب تفضل لي
محتاجش انا لمخلوق
