أنا شفت كتير منك وخلاص أهو فاض بيا
معقول كده عآدى وسهل عليك تظلم فيا
ودا قلبك إيه أصلي مشوفتش عندك إحساس
إزاى في الدنيا فيه ناس كده قاسيه ومؤذيه
أنا شوفت كتير منك ياللي عليا استقويت
وإنت مبطلتش توجعنى يوم و استكفيت
بتنام إزاى وإنت يا ساتر مليان جبروت
الله لا يسامحك علي جرحك ولا كسرك ليا
الصبر جميل واهو بكرة تشوف ويجيلك يوم
والوقت كفيل هيجيب حقي دى دعوة مظلوم
ودعيتها عليك من قلبي بقيت كارهاك بضمير
داين ف تدان اومال يعنى إنت مفكر إيه
ودا درس زمان إنت مذاكره و بتسقط فيه
مش قسوة دى منى وتستاهل آكتر بكتير
هستعوض ربنا في الوقت المهدور وياك
وهكون كسبانه مادام قدام هتفادى اذاك
والله دا عدل وعين العقل إنك تتساب
لو هدعى عليك صدقنى دا حقك مش ظالماك
دا إللي أنا جربته معاك اعذرنى مبرجعلوش
وهقول لو جابوا ف يوم سيرتك لا معرفهوش
واهى صدمه تفوت مين قالك أموت معلش دا خير
وفهمت أنا غلطي وهطلع عاقله مكررهوش
