ياحب يا حرب ما في سلم في حبك
يا النار تحرق أو ان البرد ياكلني
بين العداوه وبين الود في قربك
لاني خذيتك ولا نتا المبتعد عني
مره يراودني شعوري ابتعد عنك
ومره اجيلك بذاك الشوق تاخذني
يمناك فيها الحنان وطيبته قلبك
ويسراك فيها جروحي يوم تكسرني
تزعل وازعل على هذا الزعل منك
ما عاد نعرف اسامح او تسامحني
اول جدالك حبيبي كنت به ندّك
واخر جدالك احبك لو تجادلني
يعني احبك واسبك وارجع أحبك
مدري حبيبك أو الاعداء تشبهني
ياسيل يا ويل اعيشه دايم بجنبك
يا الماء تروي او ان الويل يذبحني
