الي الشخص اللي كان فاكر
بإني هموت إذا بعدنا
ف بيهدد وبيعدد
ف كام حاجة عملهالي
وكان فاكر بإني هبكي من غُلبي
وهقوله نعود!
يا ميت اهلاً ما نتفارق
ومش فارق معايا وجوده من اصله
دة كان حتي سواد قلبه
يبان علي وشه وكلامه
وكان تافه ملوش قيمة
وسمه في حضنه وسلامه
وكنت غبية مفهمتش
لكني عاشرته وعرفته
دة كان يفرح اوي لما
يلاقي لمة فيها بنات
يروح يجري عشان يبقي واحد منهم
وكان يهوي جمال الشكل
يشوف واحدة بغمازة
تلاقي الكلب بيريل
وكان عيل!
لا يعرف يبقي له قرارات
ولا بيفهم ف شئ إلا أنه يجري لو يشوف ستات
وامه كات بتديله يوماتي الأكل والمصروف
عشان الباشا بيحب انه يبقي عويل
ده لما سيبته والله عرفت امسك ف ايدي فلوس
دة كان واخد شقايا
عشان يروح يلعب بلايستشين
عشان يخرج
عشان يقعد ف لمة فيها كام واحدة
طب ازاي يعني هسترجل واحد بديله مصروفه
وكان لو شافني يوم بنجح
يغير والحقد في كلامه يزيد ويبان
وكان بوقه يوماتي يهزه بلبانة
شبه رقاصة لو تاكل ف مرة لبان
وكان خاين وكان باين عليه جداً
لحد ما شفت له كام شات مع كام بنت من صنفه
كاتب للبنت في رسالة!
بكيت من الضحك علي خيبته
مصيبته : انه مش ناضج مراهق بس في العشرين
تشوفه هو وصحابه تقول تعابين
وكان نكدي وبيتمارض وكان دمه تقيل جداً
إذا فكر يقول افيه ..
