واخد طلقه و وراها مدفع
بموت انا شكلى مش هنفع
بحب وفى الاخر بدفع
تمن اختيارى لبعض الناس
ياقلبى عايز ايه تانى منى
كفايه عذاب بقا ارحمنى
بتوفى لناس بتقتلنى
دول شربونى مرار الكاس
كرهت الدنيا ومافيها
بقيت مش معترف بيها
يادوب ايام بقضيها
وهترحل على التربه
ياروحى يومين و تدفنى
خلاص فصلتلك كفنى
ياريت كل اللى يعرفنى
يعود نفسو ع الغربه
فى قلبى هموم نسيت النوم
بيمشى اليوم بأعجوبه
عايشها وحيد فى اوضه بعيد
بأقلم نفسى بصعوبه
كاس الاحزان مع الدخان
بخش فى احلى غيبوبه
بزود شرب اصل الضرب
على دماغى بينزل بالكوم
ياريت كدمات خد الصدمات
دانا بتضرب بحديد مش شوم
بصون بتخان بشوف جحدان
محدش حس بيا فى يوم
قانون الحرب طبقتو
خلاص الحب خد وقتو
عليكم طلقى فرقتو
ولسه هجيب خزن تانى
هرد عداوه بعداوه
مفيش حنيه فى غباوه
يادنيا الروس هتتساوه
انا اللى بشوفو قوانى
بقيت جبروت عشقت الموت
ومش مبسوط من اللى انا فيه
ما كنت زمان عايش انسان
بقلب نضيف و داسو عليه
مفيش احساس كرهت الناس
انا اللى جرحنى هجرح فيه
بغمض عين وافتح عين
ومش عارف أدى حد أمان
بعيشها اصيل بشوف تغفيل
تعبت ياريت بشوف سلكان
حياتى كمين لامم تعابين
وبخين سم فى المليان
قالولى الدمع بيهدى
بكيت فكرت هتعدى
محدش شاف عذاب قدى
دا جسمى من الوجع نمل
ملامح وشى مطفيه
وبضحك ضحكه مش هى
مفيش مخلوق حاسس بيا
ورغم دا كلو متحمل
فخور قوى بيا انا بنفسيا
ومش بحد الحمد الله
هعدى السور واعوم فى بحور
ومش هحتاج لشط نجاه
انا على سليم وربى كريم
واللى معاه ربو دا عمرو ما تاه
هقع وهقوم واعدى اليوم
هحارب لأجل راحة البال
هعيش مرتاح كفايه جراح
مايشغلنيش ايه اللى اتقال
بناقص حب بح استوب
هكنسل اى حد شمال
