لا تنزعج من كثر ماحكي عن احلامي..
ويكون ودك تحققها ولا تقدر..
والله يا جعلني مامشي على اقدامي..
أفكّر بصوت عالي بس. لا أكثر..
انت الكريم العطوف الوافي السامي..
وانت الذي صدْق ما عمره معي قصَّر..
وانت الدواء دايماً لا اشتدّت آلامي..
ما فيه داعي عن التقصير تتعذّر..
يكفيني اني إلا ناظرت قدامي..
ألقاك.. والقى جمال الروح والمظهر..
ثم التفت للهموم بماضي أيامي..
وارجع واناظرك.. واكبر هم بي يصغر..
وش عاد ابي يا مبدّد كل أوهامي..
إن الفرح في حياتي شي لا يُذكر..!!؟؟
ما فيه داعي تحقّق كل أحلامي..
حقّق لي القرب منّك قد ما تقدر..
