كسر الخواطر أمر مش هين
الشدة ديماً ناصحة بتبين
مرض العشم يزرع فـ قلبك شوك
يجعل فراقك للجميع بين
–
الحب قطر تفوته يا يفوتك
أمسك فـ صاحب يحتوي سكوتك
نقي الصحاب قبل اما تتعشم
في صديق هيبقي الخل فـ الأحزان
وصديق يسقف للعدو فـ موتك
–
إياك تآمن للي يتكلم
علي حد تالت فـ الحديث بينكم
هتلف وشك بعد ما تسلم
هيقول عيوبك للي مش منكم
–
إياك تآمن للحبيب لو خان
بعد الخيانة صعب تلقي أمان
وحذاري تبكي لحد مش مهتم
كل العتاب بيطير مع الدخان
–
إياك تسامح في الإهانة بغلب
وبلاش تبرر للي ساب إيدك
وصل سلامك من بعيد لبعيد
علشان هيرموا السم فـ وريدك
مش كل حضن هيبقي بيحبك
احضان كتيرة هتمشي وتسيبك
–
إياك تتبت فـ اللي بيفارق
لو كنت فارق صعب يتخلي
ابعد عن اللي يكون معاك مصلحة
بعد انتهائها يقول سلام .. يلا
–
إياك تسيب الحب يتمادي
فـ إنه يدوس على قلبك الطيب
علشان بفعل الوقت والعادة
هيذم فيك وبقسوة هيعيب
نفسك يا صاحبي عزها علشان
هي الوحيدة هتبقي وتطيب
