كأن بداخلي من هالسنين الظالمه زلزال
هدم كل الغرام ولا ترك لي غير هالحسر
زماني شدني غصبن علي للضيق والغربال
عذاب ولاني حاسب له حساب ولاني منتظره
عشقتك طفل مايدري في هالدنيا جفا ووصال
ولا عمره أبد جرب حنين الحب وش كثره
عشقتك يوم لك قلبن رفيع وصعب ما ينطال
مدام انه غدى لعبه معاد يهمني امره
نعم مايقتل الحب بصراحه غير سوء الحال
نعم هذي الحقيقه والحقيقه سيدي مره
واذا ان المصلحه تفرض عليك البعد والترحال
عسى الله يحفظك وانا عساي أتعلم لبكره
